近年獨木舟、直立板盛行,不少人更會加入露營、行山等元素,結合為「獨木舟旅程」。不過,呢類活動對技術及體能要求相當大,風險亦相對較高。

近年香港都有發生「獨木舟旅程」嘅意外,最嚴重一次數到2019年,有初學獨木舟人士,參加一個15公里、兩日一夜「獨木舟之旅」。點知事主划至6公里,於大澳一帶失踪,幾日後屍體於內地海域被發現。

租借私人獨木舟唔使證書

康文署轄下嘅水上活動中心,以及獨木舟總會與其相關團體嘅活動,對獨木舟租借人都有嚴格規定,並會要要求呈交證書。好似上面呢一類超過10公里嘅獨木舟旅程,通常都要求具備銀章資格。

不過,因為獨木舟並非電動船隻,香港法例對於私人租用嘅獨木舟甚為寬鬆,加上現時獨木舟種類越來越多,令唔少初學者都可以越級玩一啲高難度活動。

2
香港青年協會的立划艇課程

獨木舟旅程10項安全守則

獨木舟總會提醒市民,參加超過10公里嘅獨木舟旅程時,應該遵守以下10項安全守則:

  1. 最好有安全艇隨航
  2. 每組最少三隻獨木舟同行;預先協議聯絡訊號
  3. 留意天氣報告,可上網或致電天文台查詢
  4. 出發前應將行程通知陸上負責人士及水警
  5. 覆舟後不應離開獨木舟,遇危險環境除外
  6. 應攜帶下列設備
    • 獨木舟上:…

原文出處(2021-05-20 00:21:00更新